موبايل ابليكيشن ولا ويب سايت للنشاط بتاعي؟

الموبايل ابليكيشن بقي متاح بشكل كبير في إيدينا كلنا، نظراً لأن الموبايلات بتلعب دور كبير ومهم في حياتنا، لكن هل معني كده اني كصاحب نشاط هعمل تطبيق ابليكيشن عالموبايل للنشاط بتاعي وأستغني تماما عن فكرة الويب سايت؟
الحقيقة أن كل حاجة ليها استخدامها، يعني لو المحتوى بتاعي مقالي أو معتمد أكتر علي الفيديوهات هيكون الاختيار الأمثل هو الويب سايت عشان طريقة العرض تكون مريحة وواضحة، لكن لو المحتوي بتاعي بسيط وصغير زي الصور أو ألعاب هيكون الموبايل ابليكيشن هو الأفضل.

ليه أفكر أعمل موبايل ابلكيشن للنشاط بتاعي؟

تطبيقات الموبايل بتوفر مميزات كتير لمستخدميها، وانت كصاحب نشاط تقدر تستفيد من انتشار الموبايلات بسهولة بين العملاء بتوعك ف ده يديلك سرعة انتشار، ده غير ان له مميزات تانية منها:

1- السرعة والأداء

تطبيقات الموبايل بتتميز بسرعتها اكتر من الويب سايت، عادةً مبيكونش فيه مشاكل في التحميل زي الويب سايت، فتقدر توفر وقت وجهد العميل وتساعده يوصل بسهولة جداً للي هو عاوزه.

2- سهولة الاستخدام

التطبيقات بتتميز بعدم وجود لينكات ولا شريط عنوان، استخدامها سهل وفي متناول إيد العميل، يقدر يفتح الابليكيشن في أي وقت وفي كل مكان عشان يدوّر علي المنتج بتاعك.

3- زيادة زيارات العملاء

التطبيقات ممكن يوصل عدد الزيارات فيها لمليون زيارة يومياً، فممكن بسهولة تزود عدد زيارات العملاء ما يلاقوا كل الخدمات اللي هما محتاجينها، وبالتالي زيادة انتمائهم للنشاط بتاعك، وبالتالى زيادة احتمالية انهم يشتروا او يتعاملوا من خلال نشاطك.

4- التصفح اوفلاين

علي الرغم ان التطبيقات بتتطلب وجود اتصال انترنت، لكن ممكن تفتح الابليكيشن وانت اوفلاين هتلاقي اخر معلومات انت حصلت عليها متخزنة وموجودة زي ماهي

5- وظائف متقدمة

تقدم التطبيقات وظائف متقدمة زي الاتصال Call، والرسائل النصية القصيرة SMS، و الكاميرا ، ونظام تحديد المواقع العالمي (GPS) وموقعك.  وبيسمحلك تربط موقعك تلقائيًا بالتطبيق عشان توصلك Notifications بالاخبار والاعلانات المناسبة ليك.

ليه أفكر أعمل ويب سايت للنشاط بتاعي؟

بالتأكيد الويب سايت هو أساس وجود كيان لنشاطك على شبكة الانترنت، وهو بيوفرلك مميزات كتير أكتر كمان من الموبايل ابليكيشن لان بيديك المساحة والحرية انك تضيف الشكل والاعدادات اللي نفسك تحطها في الويب سايت بتاعك، ده غير مزايا تانية زي:

1- القابلية للمشاركة Shareable

تقدر بسهولة تنسخ لينك الويب سايت أو أي صفحة جوة الويب سايت وتبعتها لأي حد، أو تشارك بيها على صفحات السوشيال ميديا بسهولة، وده بيتيح ليك قدرة أوسع على الانتشار وبسهولة تقدر ترجع لنفس اللينك تاني أي وقت، لكن علي العكس في التطبيقات بيبقي صعب تعمل share لجزء معين من الابليكيشن.

2- مساحة Database ضخمة

لو طبيعة شغلك فيها تفاصيل أو بيانات أومنتجات كتير محتاج تعرضها، الويب سايت يقدر يشيل Database ضخمة جداً ويحتفظ بيها، وبل يمكن تضيع إنما الابليكيشن معندهوش القدرة علي انه يشيل كل الداتا دي وممكن في أي وقت ترجعلها، عكس الابليكيشن اللي للأسف لو عملتله Uninstall كل الداتا المتخزنة عليه بتضيع إلا لو ال Database بتاعتك Web Based.

3- التكلفة

تكلفة بناء ويب سايت أقل من تكلفة الابليكيشن، ولما بيتأسس مظبوط بتكون أسست معاه Base قوي تقدر تستمر عليه، وكمان ال Maintenance و الصيانة والمتابعة علي الويب سايت بتكون أقل تكلفة من تطبيقات الموبايل. 

4- لا يوجد تحديث Update

الويب سايت بيقوم بعمل التحديثات تلقائياً من قبل الشركة المبرمجة، لكن انت كمستخدم مش هتلاقي اشعار انك محتاج تعمل تحديث زي ما بيحصل في الابليكيشن وممكن الابليكيشن يقف بالكامل عشان معملتش Update اللي بيتطلب مساحة على جهازك ممكن متكونش متاحة وقتها.

لو انا صاحب نشاط أفضل استخدم ويب سايت ولا موبايل ابليكيشن؟

.. زاد الطلب الاستهلاكي لتثبيت التطبيقات حوالي 26٪ ولسه بيرتفع من سنة 2020

ومع ذلك، القرار متوقف على طبيعة عملك، لو هدفك هو توفير المشاركة والتواصل السريع والتخصيصات ، فأنت احسنلك الموبايل ابليكيشن، إنما لو شغلك محتاج مشاركة بين المستخدمين وتفاصيل ومنتجات كتيرة تحتاج محركات البحث، فأنت محتاج اختيار موقع ويب سريع الاستجابة.

وممكن تكون طبيعة شغلك محتاجة الاتنين عشان تبقي بتكمل كل اللي ناقصك، لأن غالباً 90% من الابليكيشنز بتكون ال Database بتاعتها Web Based علشان الداتا بتاعت الابليكيشن متضيعش.

لو مش قادر تقرر شغلك محتاج إيه.. هنقدر نساعدك توصل للقرار المناسب.. اتصل بنا.