5 نصايح علشان تزود مبيعاتك في شهر رمضان
شهر رمضان هو شهر الخير والبركة، ودايماً بيفرق ويسيب بصمة جوانا في كل نواحي حياتنا.
دلوقتي تقدر تخلي شهر رمضان مميز كمان في شغلك لما تزود مبيعاتك خلال الشهر ده -رغم قلة عدد ساعات الشغل عن المعتاد-، وده عن طريق 5 نصايح هنقدمهالك:
1- اختار الوقت المناسب
مواعيد شهر رمضان مختلفة عن باقي السنة أو أي موسم تاني، دايماً الوقت الدهبي بيكون من 8 ل 11 مساءاً ومن 3 ل 5 صباحاً، ده الوقت المناسب لنشاطك عالسوشيال ميديا في الدعايا والنشر والرد علي العملاء. وده الوقت اللي أغلب الناس بيكونوا اونلاين فيه وبكامل طاقتهم. وطبعاً خليكك متابع أول بأول ايه الترندات السنة دي في شهر رمضان لأنها هتخدمك جداً في الدعايا والهاشتاجات عشان توصل لأكبر عدد من الناس.
2- اعمل أجواء رمضانية Ramadan vibes
مينفعش تفصل نفسك عن الجو العام اللي حواليك، سواء كنت مؤسسة او صفحة أونلاين، لازم تكون مهتم بإضافة روح رمضانية لشركتك أو صفحتك تشارك بيها الناس الاحتفالات، وده ممكن يكون من خلال بوستات رمضانية أو أدعية وأذكار أو حتي ديكور رمضاني بسيط وصور معبرة.
الشهر ده بيكون مميز جداً في قلوب الناس، تقدر بسهولة تعمل ليك theme رمضاني بشكل ولون معين يقدر العميل بمجرد ما يشوفه يربط انه بتاعك.
3- استخدم فيديوهات في الدعايا
معروف عن شهر رمضان التنافس الكبير اللي بيحصل في التلفزيون بين البرامج والمسلسلات، لازم تكون جزء من ده، خصوصا ان الفيديوهات -تمثيل او صور متحركة أو أي شكل- بيكون ليها النصيب الأكبر من المشاهدات عن البوستات علي السوشيال ميديا، متفوتش الشهر من غير مايكون عندك أفكار لفيديو واحد عالاقل بيعبر عن منتجاتك، أو أغنية أو أي شكل دعائي مختلف عن الطبيعي.
4- عروض وخصومات
احتفل مع عملائك بفترة الأعياد من خلال عروض مميزة تقدر تشد بيها العميل، أو خصومات حقيقية.
عدم وجود عروض أو خصومات بيخلي العميل يدور على منافس ليك بيقدم عرض مميز خلال الشهر ده، خصوصاً انها فترة فيها وفرة كبيرة ومتنوعة من العروض في كل المجالات.
ممكن تعمل عرض بسيط لكنه مفيد؛ على سبيل المثال ان الشحن يكون مجاني، أو تقديم كوبونات خصم أو هدايا، أو وجود خصم عند الطلب من خلال الويب سايت وهكذا..
5- اعمل ويب سايت خاص بيك
معظم الناس في شهر رمضان بتكون حركتها وطاقتها أقل من العادي، وعلشان كدة بيميل معظم الناس للتسوق والراء اونلاين خصوصاً في الشهر ده، كل ما تحوّل نشاطك اونلاين هتقدر تزود بسهولة حركة البيع والشراء.
وحتي لو عندك صفحة او جروب علي وسائل التواصل الاجتماعي، وجود ويب سايت بتعزز من نشاطك اكتر، وبتكون متاح 24 ساعة وكمان بتقدر تعرض منتجاتك بشكل سهل بدون مجهود انك ترد علي كل تعليق او تتابع نفاذ الكميات زي ما هتعمل علي الجروب او الصفحة.
واحنا في Innovation Scope بنساعدك في بناء الويب سايت اللي يليق بيك ويكون مناسب لنشاطك التجاري.
تواصل معانا وإسأل على عروضنا في شهر رمضان المتاحة لفترة محدودة.