أهم 7 نصائح علشان تعمل branding صح
لو انت صاحب نشاط جديد أو مشروع تجاري، فأنت محتاج تعرّف نفسك في سوق العمل، وده اللي بنسميه Branding.. يعني انك تعمل شكل كامل متكامل عنك وعن نشاطك، بداية ً من اسم نشاطك، الالوان اللي بتعبر عنك، اللوجو اللي بيعكس نوع النشاط.. وكل حاجة تانية تقدر تعرَّف العميل بتاعك أنت مين؟
وعلشان كدة هنمشي معاك خطوات الـ branding خطوة خطوة.. وفي النهاية هتقدر تعمل branding صح لنشاطك.
ولو انت صاحب نشاط من فترة وحاسس انك محققتش الـ branding بشكل مظبوط، تقدر تعمل اعادة rebranding بنفس السبع خطوات.
1- انا مين؟
دايماً إسأل نفسك في البداية النشاط أو المشروع بتاعي ده عبارة عن إيه بالظبط؟ إيه اللي هقدمه للناس سواء منتجات أو خدمات؟ وإيه الشكل اللي أحب أظهر بيه للعملاء بتوعي؟
ضروري يكون قدام عينيك كل التفاصيل بوضوح تام، وتكون عارف الهدف بتاع مشروعك ومميزاته، وده اللي بنسميه هوية نشاطك في سوق العمل ودي أول خطوة في الـ branding.
2- دراسة المنافسين
لازم تشوف في سوق العمل المنافسين اللي في نفس مجالك، تعمل دراسة لطريقة تعاملهم مع العملاء، الدعاية والإعلان، مدى توافر المنتجات عندهم، العروض والخصومات وهكذا…
ودراسة المنافسين مش معناها انك تقلدهم، أنت بتدرس المنافس ليك عشان تشوف إيه نقط ضعفه وإيه العيوب اللي عنده، علشان تستغلها وتخليها إيجابيات عندك.
وبالدراسة دي تقدر تطلع الحاجة المميزة عندك ومش عند أي منافس تاني في السوق، فلما تبدأ تعلن عن نشاطك تكون بتضغط في سوق العمل بنقطة القوة المنفردة اللي عندك ومش عند أي حد تاني.
3- الجمهور المستهدف
مهم تكون عارف مين الجمهور اللي هتستهدفه في الدعاية والبيع.
انت بتحدد جمهورك المستهدف من خلال تحديد سِنه، نوعه، اهتماماته، مكان سكنه، عمله أو دراسته، مستواه المادي، هواياته.. وبالتالي تقدر تستهدف الفئة اللي هتكون مهتمة بمشروعك، وبناءا عليه هتعمل شكل دعائي مناسب بشكل وألوان وكلمات تجذب الفئة دي.. وده هيوفر عليك وقت وجهد كبير جداً بدل ما تهدر طاقتك ووقتك وفلوسك مع الاشخاص الغلط اللي مش مهتمين خالص بنوع نشاطك والخدمات اللي بتقدمها.
4- هوية ال براند Brand Identity
ودي معناها الشكل المرئي لنشاطك اللي هيكون واضح للناس، مهم طبعاً يكون الشكل ده بيعبر عنك فعلاً ويكون مميز ومختلف عن أي منافس ليك.
في الـ branding الهوية المرئية بتتقسم ل 3 حاجات:
- اللوجو logo.. لازم يكون بيعبر بألوان وحروف مظبوطة عنك
- الشعار التسويقي slogan.. ودي بتكون جملة قصيرة بتختصر اتجاهاتك (زي العربي- صناع الثقة).
- الإعلانات .. كل شكل دعائي بتوصل بيه لجمهورك، سواء على شبكة الانترنت او دعاية ورقية او من خلال التلفزيون.
5- طريقة كلامك Brand Voice
من الحاجات المهمة جداً في ال Branding وللأسف قد تكون مهملة هي لهجتك في التعامل مع العملاء، لازم تختار طريقة كلام مناسبة لجمهورك المستهدف.
طريقة كلامك ممكن تكون شبابية لو مستهدفك سن الشباب، وممكن تكون رسمية مستهدفك مديرين أو أصحاب شركات، كمان لازم تحدد هل هتكون لغتك عربي ولا انجليزي؟ وعامي ولا فصحى؟
كل ده بيتحدد بناءاً على فهمك لجمهورك وإيه أكتر حاجة مناسبة له.. وطريقة كلامك دي ممكن تكون هي المفتاح اللي يحبب العملاء فيك أو العكس، علشان كدة لازم تهتم بيها كويس أوي.
6- متابعة ردود الفعل
علشان تنجح مهم تكون متابع كويس جداً لردود فعل العملاء، مش بس تتابع لكن كمان تكون مرن وتستجيب للتغيير، يعني لو حسيت ان لهجة البراند بتاعتك بعيدة عن جمهورك المستهدف يبقى لازم تغيرها لأقرب لهجة تكون قريبة منه وتوصله بسهولة.
ردود الفعل هي الترمومتر اللي بيوضحلك انت ماشي Branding صح ولا محتاج شوية تعديلات.
وتقدر تقيس ردود الفعل دي من خلال التعليقات علي السوشيال ميديا أو رأي الناس اللي حواليك أو تسأل مستخدمين منتجاتك عن رأيهم بكل صراحة، علشان تكون فيه فرصة تطوير وتحسين الخدمة للأفضل، وده بيكون له مردود قوي عند العملاء لما يحسوا انك مهتم برأيهم.
7- اختار Innovation Scope
علشان تقدر تعمل Branding مظبوط بكل الخطوات اللي فاتت، هتحتاج مساعدة.
واحنا في Innovation Scope بنعرض عليك كل الخدمات دي واكتر.. تواصل معانا وهنقولك كل اللي انت محتاجه عشان تعمل أفضل Branding بالشكل اللي يرضيك.