إيه الخطوات اللي بنحتاجها عشان نطلع ويب سايت؟
الويب سايت مش مجرد شوية صفحات الكترونية بتتحط مع بعض، ولا صور بتتاخد من جوجل وشوية كلام بيتاخد كوبي وبيست.. لكنه رحلة ممكن ناخدك معانا تشوف بنعمل ايه من اول ما نفكر لحد ما الويب سايت يطلع للنور.. يلا بينا نمشي خطوة خطوة.
اول خطوة: انت مين؟ وايه نوع نشاطك؟
ودي ممكن نسميها (التخطيط)؛ بنبدأ نقعد معاك ونشوف نوع نشاطك أو تجارتك، وطبعاً بنتكلم في اسمك والعلامة التجارية بتاعتك، وبنعرف كل التفاصيل المتعلقة بيك، وبعدها يبدأ فريقنا يعمل سيرش قوي على كل المنافسين في نفس مجالك، علشان نشوف ايه الافكار الموجودة في السوق ونقاط القوة والضعف فيها، بالتالي نطلع بحاجة قوية ونتفادى الغلطات اللي وقع فيها ناس قبلنا، ويهمنا طبعاً يكون الويب سايت بتاعك Unique، مش مجرد واحد شبه آلاف غيره.
تاني خطوة : التصميم
والتصميم او ال Design مش ستامبات محفوظة بنعملها، احنا بنبدأ نعمل Sketching لكل معلومة عندنا لحد ما نوصل لاكتر تصميم مناسب بأكتر ألوان بتعبر عنك.
وطبعاً بنراعي في التصميم انه يكون بيشد العين ويكون مبتكر، وبنستعين بال Content Creator علشان نكتب كلمات تكون مناسبة وجاذبة لاي حد يدخل الويب سايت من باب الفضول.
تالت خطوة: البرمجة
ودي بتتقسم لمرحلتين كبار:
- Front-End Development
وده اللي بيحول التصميم النهائي لصفحات HTML وطبعاً دة شامل الألوان والأنيميشن وأي ستايل أو حركات، و دة بيتم عن طريق هو لغات برمجة زي HTML و CSS و Javascript وغيرها. - Back-End Development
ده الجزء اللي مش بنشوفه المسئول عن الاحتفاظ بالبيانات والمعلومات والرسائل، خصوصاً لو شغلك هيحتاج تسجيل دخول للمستخدمين، وكل التفاعل والبيانات الخاصة بيهم هيحتاجوها بعد كدة.
و الاتنين بيكملوا بعض عشان يطلع الويب سايت من غير ثغرات ولا أي مشكلة.
رابع خطوة : launching
والحقيقة انها تبدو اخر خطوة انك تطلع للنور، لكن في الواقع ان مافيش حاجة اسمها اخر خطوة في عالم البرمجة، لان دايماً فيه Maintenance، يعني تفضل الشركة بتخدم على الويب سايت بتاعك، لو محتاج اي تعديلات او اي اضافات مع الوقت، علشان يفضل متجدد و Up To Date.
واحنا فى Innovation Scope بنوفرلك خدمات ال Maintenance دايماً علشان يهمنا تكون راضي عن الويب سايت بالشكل اللي يتناسب معاك ومع نشاطك.